Baundè a vuètar, Bazanìs!

Anca st’an da què av arvìs, 

sgnùr e sgnàuri, cìnno e ceini,

ind’ la piaza e al strèdi péini,

par psair pasèr tèl e quèl

quast bel nóstar Caranvèl.

E l’è propri una blàzza

vàdder sta gran cuntintàzza!

Parché me av tegn in maint

par tótt l’an, e veramaint

a stagh mel e an saun mai pèra

féin ch’an vàd quàsta gatèra.

Guerda mo’! Tótt i pió cein

i ein stricà sauvr’al trenein,

ch’l’ans saint brisa secànd

s’lè arivà un treno pió grand:

“An’ho brisa – al dis – vargàgna

se ló av pórta féin a Bulagna:

parché incú me av pórt vì

daintr al ràggn dla fantasì!”

I pió gran i ein adrì a stiumèr

E in’s volen brisa farmèr

in zir par tót al paias

ch’a pulìl dàp ai vrà un mais.

Guèrda chi ètar ragazú

ch’i peran un po’ pió carsú:

tegn’n in man dal spórt ziganti

ed curiandol e stràll filanti,

tót cuntént, e in’s’n adànn gnanch

che i han beli i cavì bianch.

Anca me a i ho una zerta etè

mo am catè ancàra què

e s’am dmandè “Bain, c’sa vut?”

av voi saul der un salut:

anch’sta spausa l’av saluta

caun l’augóri ch’Dio v’aiuta,

ch’a psì ster luntan dal mel

fein a st’etar Caranvel,

ch’av dégga caun un nóv surìs

“Viva, viva i bazanìs!”

Buongiorno a voi, Bazzanesi!

Anche quest’anno, da qui, vi riconosco,

signori e signore, ragazzini e ragazzine,

nella piazza e nelle strade piene,

per poter passare tale e quale

questo bel nostro Carnevale.

Ed è proprio una bellezza

vedere questa grande gioia!

Perché io vi ho nella mente

per tutto l’anno, e veramente

sto male e non sono mai contento

finché non vedo questa confusione.

Guarda! Tutti i più piccoli

sono stretti sul trenino,

che non si sente mica secondo

se è arrivato un treno più grande:

“Non ho mica – dice - vergogna

se lui vi porta fino a Bologna:

perché oggi io vi porto via

dentro il regno della fantasia!”

I più grandi sono intenti a schiumare

e non si vogliono fermare

in giro per tutto il paese

che a pulirlo, poi, ci vorrà un mese.

Guarda quegli altri ragazzi

che sembrano un po’ più cresciuti:

tengono in mano delle sporte giganti

di coriandoli e stelle filanti,

tutti contenti, e non si accorgono neanche

che hanno già i capelli bianchi.

Anch’io ho una certa età

ma mi trovate ancora qui

e se mi chiedete “Be’, che vuoi?”

vi voglio solo dare un saluto:

anche questa sposa vi saluta

con l’augurio che Dio vi aiuti,

che possiate stare lontani dal male

fino a quest’altro Carnevale,

che vi dica con un nuovo sorriso

“Viva, viva i bazzanesi!”

Barbazèch dla Cà di Zoca